Horticulturist and Landscape designer by profession turned Author, Poet, Script Writer in Gujarati Literature & Sculptor. "ઉડાન ઊંચી આભની દૃષ્ટિમાં શ્રુષ્ટિ સમાય. ના તાકું નીચું નિશાન કદી ભલે પંખ ઘવાય"
મારાં પ્રિય વાચકોને જણાવતાં દિલથી આનંદ થાય છે કે માતૃભારતીનાં ઉત્કૃષ્ટ મંચ ઉપર મારી નવલકથાઓ અને રચનાઓનું ડાઉનલોડ 3 મિલિયન વટાવી ગયું છે આ ઉચ્ચ શિખરે પહોંચાડવા બદલ મારાં વાંચકો, લેખકમિત્રો , માતૃભારતી મંચ અને ટીમનો ખૂબ ખૂબ આભારી છું. સદાય આપના સહકારની અપેક્ષા છે. આ સફળતા આપ સહુને સમર્પિત.🌹🙏🌹
સૂર્ય આજ દક્ષિણથી ઉત્તર તરફ પ્રયાણ કરે કહે *ઉત્તરાયણ.*
આજે પાવન પર્વ ઉજવીયે ચઢાવી પતંગ નભમાં *ઉત્તરાયણ.*
પવન સાથે પતંગ કરશે હરીફાઈ ખૂંદવા આભ આજ *ઉત્તરાયણ.*
કપાશે પેચ કોઈના.. કોઈના થશે મેચ એવી આજ *ઉત્તરાયણ.*
અગાશી ઝરૂખા ધાબા પર ઉઠશે શોરબકોર આજ *ઉત્તરાયણ.*
તલસાંકળી બોર ઊંધીયા જલેબીની ઉજાણી આજ *ઉત્તરાયણ.*
બધે શોર મસ્તી ગીતો ક્યાંક એકાંત એકલતા આજ *ઉત્તરાયણ.*
સહુ મકરસંક્રાંતિની મોજમાં પકડ્યો કાપ્યોની રંગત આજ *ઉત્તરાયણ.*
કેસરી આથમતી મીઠી ઠંડી સાંજ તુકકલની બારાત આજ *ઉત્તરાયણ.*
ઝરૂખા અગાશીથી થતી ઇશારોમાં વાત ભુલાશે યાદ આજ *ઉત્તરાયણ.*
ના પડે પવનની ખોટ પતંગ ચઢે ગગનની કરે સેર આજ *ઉત્તરાયણ.*
હેય..કાપ્યો જ છે... એવી ગૂંજ ખુશ થતાં લોક આજ *ઉત્તરાયણ.*
બાંણશૈયા પર સૂતા ભીષ્મપિતામહ લઈ દુઃખ અન્યાયનું આવી *ઉત્તરાયણ.*
કેવો થયેલો કાળો કેર દિલ યાદ કરે છતાં થયો મોક્ષ આજ *ઉત્તરાયણ.*
કોની ફીરકી પકડી કોની ઉતરી કહેશે લોક કાલે આજ *ઉત્તરાયણ.*
આશાની દોરે કોઈ જોઈ રહ્યો ગગન અશ્રુભરી આંખે આજ *ઉત્તરાયણ.*
આજથી કમુરતા સમાપ્ત પ્રસંગ સારા લેવાય આજ *ઉત્તરાયણ.*
કપાઈ પતંગ ક્યાંક દૂર જાય ક્ષિતિજમાં ના કોઈ ખબર ફિકર આજ *ઉત્તરાયણ*
શુભ શરૂઆતનો દિવસ મકરસંક્રાંતિનો સહુને ફળે એવી શુભ *ઉત્તરાયણ.*
આપું શુભકામના સહુને "દિલ"થી કરો ખૂબ મૌજ આજ *ઉત્તરાયણ.*
દક્ષેશ ઇનામદાર."દિલ"..
સાહિત્યમાં એક ગીતની કડી..... પણ માંબાપની એકની એક મોંઘી મૂડી..
અર્થશાસ્ત્રમાં થાપણ એટલે મહાબચત.. જેના પર જીંદગીભર વ્યાજ મળે..પણ દીકરી એ વ્યાજ ધન થકી નહીં.. દીકરીનો પ્રેમ કાળજી હૂંફ હોય છે..જ્યારે બધા ટેકા ખસી જાય..આ થાપણ તમારી સાથે હોય છે.
માં અને દીકરીનું કોઈ મૂલ્યાંકન ના કરી શકે..એ શબ્દ, નામ, વ્યાકરણ કે સંધી સમાસ નથી..એ સબંધનું મૂલ્ય છે જીવથી શરૂ કરી આંતરડીનો સંબંધ છે જે ક્યારેય પારકો થતો નથી.
દીકરીને ગાય દોરે ત્યાં જાય એવું નથી.....દીકરી દોરે ત્યારે સમાજ જોતો રહી જાય.
દીકરી થાપણ શું મહામૂલ્યવાન ઘરેણું છે જેનાથી ઘર કુટુંબ શોભે છે દીકરી કુટુંબની શોભા માનમતરબો છે. દીકરી એવું રત્ન છે જે બે કુટુંબ શોભાવે છે બન્નેનું રખોપુ કરે છે માંબાપનું નામ ઉજાળી બન્ને કુળને તારે છે.
દીકરી એ ઈશ્વરનું વરદાન છે. શ્રુષ્ટિનું નિયમન કરતી શક્તિ છે. દીકરી જ્યારે માં બને ત્યારે સંસાર અને કુટુંબમાં સંસ્કારનું સિંચન કરે છે.
દીકરી એક સ્ત્રી..એક શક્તિ છે. ઈશ્વરે જ એનું નિર્માણ કર્યું એવી પાત્રતા આપી કે એ સંસાર ચલાવે કુટુંબને એક રાખવા પ્રયત્નશીલ રહે. ઈશ્વરે આપેલું અણમોલ રત્ન છે.
જીવનમાં સંઘર્ષ કરતી આત્મસન્માનથી જીવતી.. ઈશ્વર સર્વ દીકરીઓને ખૂબ સુખ સમૃદ્ધિમાં રત રાખે ખૂબ ખૂબ આનંદમાં જીવે એવાં આશીર્વાદ.
