પ્રેમમાં સમર્પણ.. પછી..?

કોઈને અપાર પ્રેમ કરી લેવાથી.. શ્રદ્ધા આસ્થાની અખંડ જ્યોત દિલમાં જગાવી તમે.. છતાં.. આપણે એમનાં પર હક નથી જમાવી શકતાં..

જે પ્રારબ્ધમાં લખ્યું હોય એજ સામે આવે છે આપણાં કોઈપણ ભોગવટા માટે કોઈને નિમિત્ત નથી બનાવી શકતાં..

મારાં.. મારાં.. કરી કહેવાથી આપણાં કોઈ નથી થતાં.. જેવો સામેનાને "રસ" પૂરો થાય માટી "પથ્થર" થઇ જાય..

અત્યંત ચાહું હું.. સમર્પિત થઉં મારું માનવા લાગું પછી ઈશ્વર કે માનવ જે રૂપ બતાવે ભલે અનર્થ કે સમર્થ થાય..

સતિ માટે શિવ.. સીતા માટે રામ.. રાધા માટે કૃષ્ણ રડ્યા છે પીડા વહોરી પ્રારબ્ધ બદલી ના શક્યા.

બસ માંગુ હું પાત્રતા સહુનાં દિલ જીતી શકું પ્રેમલક્ષણાં ભક્તિ થકી પંચતત્વનો સાક્ષાત્કાર કરી શકું.

જ્ઞાની નથી હું.. નથી નસીબદાર.. હું કોણ કોઈને કશું કહેનાર? જે છું જેવો છું એજ દેખા દઉં.. શ્રેષ્ઠ થવાં જરૂર પ્રયત્ન કરૂં..

કોઈ પાસે કંઈ માંગ્યું નથી જોઈતું નથી.. છતાં હું માંગણ..ભૂખ માત્ર પ્રેમની દિલમાં ઈશ્વર કે માનવ એની માંગણી કરૂં.